សពលោក ឈុត វុទ្ធី នឹងមកដល់ស្រុកកំណើតនៅម៉ោង ៩ យប់
ដោយ ឡេង ម៉ាលី
2012-04-27
សពលោក ឈុត វុទ្ធី ប្រធានអង្គការការពារធនធានធម្មជាតិ ដែលក្រុមគ្រួសារដឹកចេញពីខេត្តកោះកុង នៅវេលាម៉ោង ៤ រសៀល គេរំពឹងថា នឹងមកដល់ស្រុកកំណើតក្នុងរយៈពេល ៣ ម៉ោងទៀត គឺនៅម៉ោង ៩ យប់។
Licadho/In Kong cheth
២៧-មេសា-២០១២៖ សពលោក ឈុត វុទ្ធី ដែលគ្រួសារដឹកចេញពីខេត្តកោះកុង ឆ្ពោះមកស្រុកកំណើត។
សាចញាតិសពបានឱ្យដឹងនៅវេលាម៉ោង ៦ ល្ងាចថ្ងៃទី ២៧ ខែមេសានេះថា រថយន្តដឹកសពកំពុងធ្វើដំណើរបានពាក់កណ្ដាលផ្លូវហើយ។
លោក ឈុត វុទ្ធី ប្រធានអង្គការការពារធនធានធម្មជាតិ ត្រូវបានមន្ត្រីកងរាជអាវុធហត្ថម្នាក់ដែលយាមល្បាតទីតាំងកាប់ឈើ មួយ ក្នុងខេត្តកោះកុង បាញ់សម្លាប់នៅថ្ងៃទី២៦ ខែមេសា ឆ្នាំ ២០១២។
ការបាញ់ប្រហារនេះ ខណៈដែលលោក និងអ្នកកាសែត ឌឹ ខេមបូឌា ដេលី (The Cambodia Daily) បានចូលទៅកាន់ទីតាំងកាប់ឈើមួយ ក្នុងចំណុចវាល៣ ភូមិកោះប៉ោ ឃុំប៉ាក់ខ្លង ស្រុកមណ្ឌលសីមា ខេត្តកោះកុង។
សពលោក ឈុត វុទ្ធី នឹងយកត្រូវគ្រួសារយកធ្វើបុណ្យ តាមប្រពៃណីសាសនា នៅស្រុកកំណើត គឺនៅភូមិស្វាយមាស ឃុំវិហារសួគ៌ ស្រុកខ្សាច់កណ្ដាល ខេត្តកណ្ដាល៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។Copyright © 1998-2011 Radio Free Asia. All rights reserved.
No comments:
Post a Comment